Gespesialiseerde program vir aspirantentrepreneurs |
| 04/03/2011 |
Universiteit Stellenbosch se Bestuurskool se ontwikkelingsafdeling, Executive Development Bpk. (USB-ED), en die Louis Group Business Academy bied vanjaar weer eens ’n program vir aspirantentrepreneurs aan. Hierdie program berus op die unieke samewerking tussen die Louis Group en USB-ED. Die Louis Group se sakebeginsels wat oor nege dekades as ’n suksesvolle familiebedryf ontwikkel is, word in die program deur die USB-ED se akademiese insigte ondersteun. Die inhoud van die program behels, maar is nie beperk tot, die beginsels van leierskap en bestuur, finansies en bemarking. Die program word op Maandag- en Donderdagaande oor ’n tydperk van 20 weke aangebied met twee innames per jaar in Januarie en Julie. Kliek op die skakels hieronder vir meer inligting oor die program of skakel InnovUS.
