Innovasie maak saak by Universiteit Stellenbosch

Innovus is die Universiteit Stellenbosch se universiteit-industrie-interaksieplatform vir die kommersialisering van US-bates. Innovus is verantwoordelik vir die Universiteit se kommersiële aktiwiteite. Dit is egter nie alleen beperk tot die kommersialisering van die Universiteit se innovasie- en intellektuele-eiendomsportefeulje deur patentering, lisensiëring en die vorming van afwentelmaatskappye nie, Innovus het ook die mandaat ontvang om die US se vyfde inkomstestroom, naamlik inkomste uit kommersialiseringsaktiwiteite deur sy SUNKOM-afdeling, te bestuur.